Gara e Champions League nuk e ndal merkaton e Juventus. Kështu, Zonja, pasi ka prerë biletën për Botërorin e Klubeve me 32 ekipe dhe duke pritur atë të kthimit në Europën që ka rëndësi, përgatitet për çdo skenar për verën. Përfshirë mundësinë e nevojës për të sakrifikuar disa pjesë të rëndësishme në emër të përmirësimit të llogarive dhe për të financuar fushatën e përforcimit. Prioriteti mbetet një mesfushor që jep asiste dhe gola (nga Koopmeiners i Atalantës te Merino i Real Sociedad).
Bardhezinjtë janë gjithashtu, gjithnjë e më aktiv, te mbrojtësit. Pak për lëvizjet e Manchester United mbi Gleison Bremer dhe pak për interesimin e Borussia Dortmund, Newcastle dhe Leipzig për Dean Huijsen, një perlë e ekipit spanjoll U-21 aktualisht i huazuar te Roma. Për të mos përmendur që Alex Sandro do të thotë lamtumirë në fund të kontratës së tij në qershor dhe Tiago Djalò, i nënshkruar në janar nga Lille për 3.5 milionë plus bonuse, që mund të huazohet në Serie A në verë për të përshpejtuar rikuperimin e tij pas dëmtimit (një një vit më parë ai iu nënshtrua një operacioni në ligamente).
SFIDË NDAJ MILAN
Për të gjitha këto arsye, në Continassa kërkojnë ndonjë mbrojtës në funksion të sezonit 2024-25. Nëse fokusi mbetet te Riccardo Calafiori i Bolonjës, i transformuar nga Thiago Motta nga një mbrojtës i majtë në një qendërmbrojtës total, bardhazinjtë po monitorojnë gjithashtu Mexence Lacroix, 23-vjeçari i Wolfsburg. Situata kontraktuale e francezit, i ndjekur edhe nga Milani, është gjithashtu tërheqëse. Lacroix shkon në skadencë në vitin 2025 dhe, pa një rinovim, ai mund të lëvizë në korrik për një shifër mes 10-15 milionë plus bonuse. Jo falas, por sidoqoftë me ulje duke patur parasysh vlerësimet mesatare për rolin.
Lexo më tej: Juventus i penalizuar edhe në Kupë, penalltia nuk duhej anuluar: Patric me kokë riktheu në lojë Cambiaso
Në listën e Juventus mbeten edhe dy jolly si Reinildo (Atletico Madrid) dhe Wendell (Porto). Si mozambikasi ashtu edhe braziliani, të vëzhguar drejtpërdrejt nga një emisar i Juventus gjatë miqësores në Londër mes Anglisë dhe Brazilit, mund të përdoren si mbrojtës të krahut në mbrojtjen me katër lojtarë ose në mbrojtjen me tre lojtarë. Prilli është një muaj arsyetimi dhe listash të zgjeruara, por ende jo negociatash reale.
