Lapsi Video

Aplikacioni

Android iOS
Flash

Inter nuk e kishte "studiuar" Oblak: video që tregon mungesën e përgatitjes së zikaltërve

Lapsi.al 15 March 2024
Inter nuk e kishte "studiuar" Oblak: video që tregon
Inter humbi me penallti në ndeshjen e dytë të raundit të 1/8 të Champions kundër Atletico Madrid. Zikaltrit i thanë kështu lamtumirë kompeticionit më të rëndësishëm evropian, në të cilin ishin finalistë vitin e kaluar. Fatalë për skuadrën e teknikut Inzaghi gabimet e Sanchez, Klaassen dhe Lautaro Martinez nga pika e bardhë. Portieri i Colchoneros, Oblak, neutralizoi goditjen e kilianit dhe holandezit. Pastaj në penalltinë e argjentinasit i mbeti vetëm të vëzhgonte parabolën e topit të degdisur te yjet. Mungesë përqendrimi, lodhje apo fati i keq? Ndoshta asnjëra prej tyre, sepse nga dje në rrjetet sociale po qarkullojnë video të ndryshme, të hedhura nga disa tifozë spanjollë dhe që kanë të bëjnë me portierin slloven Oblak. Video që, në fakt, tregojnë se skuadra e teknikut Inzaghi nuk ishte aspak e përgatitur për t'u përballur me të te penalltitë. Do të kishte mjaftuar (ndoshta) vetëm të studioheshin zakonet e tij...

INTER I PAPËRGATITUR TE PENALLTITË

“Po Inter, nuk ka parë kurrë një ndeshje të Oblak”; "Nuk e kishin parë finalen e Champions League?"; “A nuk e dinë se te penalltitë ai bën gjithmonë të njëjtën gjë?”. Këto janë vetëm disa nga komentet që qarkullojnë në rrjetet sociale që prej mbrëmjes së djeshme në lidhje me llotarinë e penalltive në Wanda Metropolitano dhe që rezultoi me eliminimin e Inter nga Champions League. Në fakt, sipas shumë videove të publikuara, kur bëhet fjalë për pritjen e penalltive, portieri i Colchoneros ka një tendencë të theksuar për të bërë praktikisht gjithmonë të njëjtën gjë: të hidhet në të djathtë. Në fakt, pa marrë parasysh penalltinë e goditur jashtë stadiumit nga Lautaro, dy pritjet e portierit slloven erdhën të dyja pas një hedhje drejt shtyllës së djathtë. Këtë tendencë duket se e njohin thuajse të gjithë në Spanjë, deri në atë pikë që shpesh herë portieri është vënë në shënjestër për këtë. Do të kishte mjaftuar (ndoshta) rishikimi i serisë së penalltive në finalen e Champions mes Atletico dhe Real Madrid, me lojtarët merengues që të gjithë shënuan duke goditur në "anën e dobët" të Oblak, i cili vetëm një herë bëri hedhjen nga e majta.

Të këshilluara

ide

Pse Rama nuk tërhiqet dot nga Zvërneci

Ndonëse kryeministri e la të hapur fatin e investimit të cilin e etiketoi si testin e parë të platformës Besa, ai nuk është i lirë ta bëjë këtë. Edi Rama e di shumë mirë, se nëse i thotë jo Kushnerit të cilin e yshti të hidhte në Zvërnec paratë e katarianëve, pasoja do të jetë shumë më e madhe se indiferanca përbuzëse që Trump demostroi ndaj atleteve të tij të bardha në samitin e NATO-s.

12:29 Andi Bushati

Një monument i shëmtuar i autoritarizmit politik

Në vend që të kujdesen për godint që kërcënojnë qytetarët estetikisht dhe fizikisht, Kryeministri dhe Bashkia e tij në Durrës rendin të hedhin miliona euro për të ndërtuar mure betoni që fshehin detin dhe shëmtojnë qytetin

10:47 Blendi Kajsiu

MOTI TIRANA

29°c

KËMBIMI EURO

92.59

aktuale

Ndiqe Lapsin edhe në

Me interes nga publiku

Me sytë katër

SPORT

Të tjerë artikuj

PAPARAZZI