Inter arrin gjysmën e kampionatit me 48 pikë, vetëm dy më pak se 50 të fiksuara nga Napoli i famshëm i sezonit të kaluar. Më shumë se PSG dhe Liverpool, në të njëjtin nivel me Real Madrid dhe Girona, në pritje të Bayer Leverksuen. Zikaltrit jetojnë një shkëputje të çuditshme nga realiteti. Pavarësisht vendit të parë, mbrojtjes më të mirë dhe sulmit më të mirë, Inter rrethohet, mbi të gjitha, akuzat për favorizim, si për të pakësuar meritat e marra deri tani. Nuk është rastësi që dje Giuseppe Marotta donte të sqaronte në këtë kuptim, duke ripërdorur një ngjashmëri të dashur për të (e kishte përdorur në 2017 në kohën e Juventus, por në të kundërt duke qenë se bardhezinjtë ndiqnin Napolin e Sarrit): “Ne jemi lepuri dhe duhet të shmangim të shtënat”.
ÇFARË NËNKUPTON MESAZHI?
Mesazhi i drejtorit ekzekutiv të zikaltërve ndjek atë, sërish dje, nga Curva Nord, ku i referohet "zhurmës së armiqve" të evokuar në kohën e José Mourinho. Mesazh që risjell edhe një herë rivalitetin historik dhe të diskutueshëm me Juventus, që këtë vit u shfaq edhe renditjen e Serie A. Në deklaratën për shtyp një pasazh lexon "Nuk kemi feta sallami mbi sy dhe e dimë që situata të caktuara në fushë kanë sjellë përfitime në renditjen tonë, është e vërtetë", duke dëshmuar për një vizion në përgjithësi, i cili megjithatë nuk mund të injorojë meritat e ekipit.
Por nëse ndjesia e tifozëve është e kuptueshme, gjatë javëve të fundit kanë ardhur shenja të tjera të një uniteti, se i gjithë ambienti i Inter kërkon të mbetet i fokusuar vetëm tek vetja, pa pranuar asnjë lloj sulmi. Është sikur ‘lepuri’ i përmendur nga Marotta të fshehë një anë të dytë me format e një ‘iriqi’, për t'u mbrojtur dhe për të përdorur gjembat e tyre kur nevojiten.
Është fakt që derbi i Italisë ka qenë gjithmonë plot polemika, ashtu siç kanë kuptim edhe diskutimet për VAR-in nëse synohet përmirësimi i të gjithë sistemit. Për gjithçka tjetër, do të ishte më mirë përqendrimi në fushë dhe te dueli emocionues në krye të një kampionati që premton ekuilibër dhe betejë pikë për pikë deri në fund të majit.
