Duke folur në Open Var, në Dazn, dizenjatori i arbitrëve Gianluca Rocchi bëri një vlerësim të dy episodeve të diskutueshme të Genoa-Juve. Sfida e të premtes përfundoi 1-1, por Rocchi pranon penalizimin e bardhezinjve në dy episodet. "Dora e Bani në zonë? Është një episod në fushë dhe një vendim që mund të ishte trajtuar ndryshe. Por nuk është një gabim aq i qartë sa kartoni i kuq i munguar për Malinovskyi," shpjegoi ai.
Dizenjatori i arbitrave më pas shtoi: "Pse duhet të ndalojmë një VAR që gabon një episod, pasi ka rregulluar 45-50 më parë?" - tha Rocchi përsëri, duke iu referuar arbitrit Fabbri që u penalizua pikërisht për këtë ndeshje -. Nuk do të doja më të dëgjoja nëse një arbitër apo VAR bën një gabim e duhet ta ndalojmë, është një koncept që duhet kapërcyer”.
Dy episode shumë të diskutueshme që shkaktuan polemika në sfidën mes Genoa e Juventus. Veçanërisht, bardhezinjtë protestuan shumë në minutën e 53′, kur rezultati ishte 1-1. Një krosim nga e djathta i Cambiaso u ndërpre në zonë me një prekje me dorë nga Bani, pasi u përplas në kofshën e vetë mbrojtësit kuqeblu. Arbitri Massa, pas kontrollit në VAR të Fabbri, vendosi të mos ndërhynte dhe as të rishikonte një episod delikat. Situata u përsërit edhe në kartonin e verdhë të Malinovskyi, pas një ndërhyrje të rëndë ndaj Yildiz në mesfushë.
