Është e vërtetë që Milan dhe Inter ndajnë të njëjtin qytet, por një rivalitet historik i ka ndarë gjithmonë. Prandaj është e vështirë t'i ngatërrosh ata, ashtu si të ngatërrosh lojtarët. Në të kundërt rreziku për të vuajtur inatin e tifozëve është shumë i lartë. Ky është rasti i UEFA-s që përmes profilit të Champions League në Twitter ka vendosur të lavdërojë portierin kuqezi, Mike Maignan. Sa keq që në vend të portierit francez përfundoi një lojtar i njohur i zikaltërve, Marcus Thuram.
Mund të kenë qenë syzet e diellit ato që fshihnin pjesërisht fytyrën, ose ndoshta veshjet në përditshmëri që nuk i kanë lejuar të dallohen rolet në fushë, por gafa ka shpërthyer ironitë në rrjetet sociale. I pari ishte sulmuesi francez që bëri shaka në profilin e tij në “X”. "Mike kush?" pyeti Thuram duke e shoqëruar nga një sërë emoticonësh dyshues.
Lexo më tej: Tradhëtia nuk harrohet. Thuram feston si Lukaku, Lautaro i thotë jo: "Nuk festoj më kështu"
Më pas UEFA e fshiu postimin. Kush e di, ndoshta qendërsulmuesi i Inter mund të ndryshojë rolin e tij në këtë pikë. Sidomos pasi pa kolegun e tij Olivier Giroud tia dilte më së miri mes shtyllave.
GAFA E UEFA
