Momente frike gjatë ndeshjes Vicenza-Pergolettese, e vlefshme për javën e pestë të grupit A të Serie C e që përfundoi 1-0 në favor të vendasve. Trajneri i lombardëve, Matteo Abbate, papritur ra në tokë për shkak të një infarkti që tërhoqi menjëherë vëmendjen e lojtarëve në fushë. Ish-futbollisti i Hellas Verona dhe Cremonese u rrëzua përtokë në minutën e 36' të pjesës së parë. Tekniku po debatonte ashpër me arbitrin e katërt kur u shemb përtokë.
Një situatë që ka shtyrë menjëherë punonjësit e shëndetësisë për të dhënë ndihmën e tyre për trajnerin. Ndërhyrja me defibrilator ishte vendimtare për t'i shpëtuar jetën. Për fat të mirë, trajneri i Pergolettese nuk humbi asnjëherë ndjenjat. E pas pak minutash u nxor nga stadiumi me barelë për t'u dërguar në spital.
Lexo më tej: Humb jetën në gjumë Souleymane: portieri 19 vjeçar luante me Cissé në skuadrën e refugjatëve
Kështu, Abbate iu nënshtrua të gjitha testeve të nevojshme. E, siç u komunikua nga shoqëria, ato rezultuan negative. Një përfundim që i shtyu mjekët të jepnin aprovimin që ish-trajneri i Piacenza të dilte nga spitali e të kthehej në shtëpi.
