Një 45-vjeçar është arrestuar nga policia e Tiranës pas ngjarjes së djeshme në rrugën “Thoma Filipeu”. Në pranga mësohet se ka rënë Elton Duva. 45-vjeçari, pas një konflikti të çastit me 37-vjeçarin R.H, e ka goditur këtë të fundit me tytën e pistoletës. Më pas është larguar nga vendngjarja.
Ngjarja ka ndodhur pasditen e djeshme rreth orës 17:05. Pas ndërhyrjes së policisë është bërë e mundur kapja e tij. Në cilësinë e provës materiale u sekuestrua arma e zjarrit pistoletë e përdorur gjatë ngjarjes dhe sasi municioni luftarak.
