Albi Doka është lojtari i ri i Tiranës. Mbrojtësi i djathtë është prezantuar tashmë nga kryqytetasit, që vazhdojnë të përforcojnë skuadrën me emra të rëndësishëm. Lojtari ka nënshkruar një kontratë 1+1 dhe do të shkojë të përforcojë një sector të mbetur bosh pas largimit të Tosevski.
Albi Doka dhe Tirana ishin në negociata të avancuara që në momentin kur Honved i tij ra nga kategoria në Hungari. Çështja ishte komplekse, sepse ishin disa situata financiare që e bënë mbrojtësin e djathtë të pamundur të zgjidhte menjëherë kontratën. Tirana e kishte bërë të qartë se Albi Doka duhet të dilte lojtar i lirë e pastaj të firmoste me bardheblutë. Me Tiranën në fakt akordi ishte arritur prej kohësh e tani erdhi prezantimi.
Pasi u blindua porta me Gentian Selmanin, në mbrojtje u vesh bardheblu edhe Erhun Obanor. Qendërmbrojtësi do të formojë dyshen e qendrës me Najdovski. Me sistemin e lojës së Shehit, në të djathtë do të luajë Doka e në të majtë është Përgjoni. Megjithatë bardheblutë kanë bërë të qartë se po punojnë edhe për një të majtë tjetër.
Lexo më tej: Prezantim misterioz në Selman Stërmasi: Latifi vishet bardheblu, ja kushtet e kontratës
Debutimi i bardhebluve në raundin e parë të Conference League është në 13 korrik dhe drejtuesit e Tiranës janë në garë me kohën. Llogaritë janë të bëra: 6 lojtarë janë të skualifikuar e katër prej tyre e kanë mbyllur me Tiranën. Visar Bekaj, Jocelyn Behiratche, Kristijan Tosevski e Albano aleksi e kanë mbyllur aventurën me bardheblutë. Kështu që në këtë pikë, merkato është prioritet emergjent.
[video width="320" height="568" mp4="https://cdnimpuls.com/lapsi.al/wp-content/uploads/2023/06/SaveInsta.App-3128153788346078912_1450486961-1.mp4"][/video]
