Probleme të reja, shumë më të rënda se një rrahje, bien mbi Conor McGregor, luftëtarin kontrovers të arteve marciale miks. Në të njëjtën natë që ai rrahu me grushte maskotën e Miami Heat, irlandezi akuzohet se abuzoi seksualisht me një vajzë. McGregor goditi me grusht gjatë kohës së pushimit në ndeshjen 4 të finales së NBA kundër Denver maskotën e Heat, duke nervozuar publikun. Po atë mbrëmje është mësuar se irlandezi abuzoi me një vajzë në banjat e Kaseya Center Arena.
ÇFARË NDODHI...
Sipas TMZ, gruaja po largohej nga impianti kur u njoftua se McGregor e kishte kërkuar në banjë. Pasi ajo mbërriti, sipas avokatit të saj, "siguria refuzoi ta linte gruan të dilte ose të lejonte dikë tjetër, përfshirë shoqen e saj, të hynte në banjë". Ylli i UFC-së kishte dalë nga tualeti i rezervuar për personat me aftësi të kufizuara dhe e kishte sulmuar. Pasi e kishte puthur me forcë, irlandezi e kishte detyruar vajzën të kryente marrëdhënie orale, e cila përfundoi me një përpjekje për sodomizim.
Lexo më tej: Video/ McGregor humb mendjen e rreh maskotën e Miami Heat: "Burnie" përfundoi në urgjencë
MBROJTJA E MCGREGOR
Gruaja kishte arritur të ikte, por duke e lënë çantën në banjë. Më pas, ajo bëri denoncimin pas dy ditësh pranë autoriteteve lokale. Mesa duket janë dorëzuar edhe rrobat me ADN-në e McGregor-it. “E gjithë false, nuk do të intimidohem” ishte mbrojtja e tij ndaj akuzës për sulm seksual. Irlandezi, në pritje të rikthimit në ring, vazhdon të përflitet për sjelljen e tij vërtet të shëmtuar.
