Ishte 1 qershor 2019 kur José Antonio Reyes, ish-futbollisti spanjoll, humbi jetën në një aksident tragjik me makinë. Ish-sulmuesi i Real Madrid, Arsenal e Sevilla ishte vetëm 35-vjeç. Sot, tre vjet më vonë, familja ndodhet në një vështirësi të rëndë ekonomike, deri në rrezik dëbimi.
Tre vjet pas vdekjes së José Antonio Reyes, familja po përballet me probleme serioze financiare. Telashet lidhen me menaxhimin kompleks të trashëgimisë së lënë nga ish-futbollisti. E gjitha sepse mungon një testament i lënë me shkrim. Në fakt, pasuria e tij përfshin rreth 18 prona me hipoteka të rënda. Reyes humbi jetën në një aksident me makinë, kur u përplas me shpejtësi të lartë.
Lexo më tej: Vdekje me 237 km/h: publikohet foto e fundit e Reyes
RREZIK DËBIMI PËR GRUAN E TRE FËMIJËT
Vitet e fundit këto shpenzime janë bërë të papërballueshme për familjarët. Prandaj, në dritën e borxheve të mëdha që ata janë të detyruar të përballen, gruaja e tij Noelia Lopez dhe tre fëmijët e tyre rrezikojnë t'u konfiskohen pasuritë. E, në rastin më të keq, të dëboheshin nga pronat e tyre. Ndërkohë, aktualisht janë nxjerrë në ankand disa nga pronat në fjalë. Në njërën prej të cilave banon gruaja dhe tre fëmijët e saj me Reyes.
