Inter është skuadra që arkëton më shumë në Itali nga të drejtat televizive për sezonin 2022/23. Kjo është raportuar nga Calcio e Finanza, e cila vlerësoi shpërndarjen e afërsisht 1,018 miliardë eurove. Bëhet fjalë për burime që rrjedhin nga marketingu i ndeshjeve të Serie A. Pjesa më e madhe, 87.1 milionë euro, shkojnë për zikaltrit, ndërsa Napoli është në podium (80.3 milionë) bashkë me Milan (80 milion).
Në vendin e katërt është Juventus (78.6 milionë), i ndjekur në distancë nga klubet romane. Cremonese është e fundit (29.4 milionë), edhe pse shifra që bën më shumë përshtypje është ajo në lidhje me distancën nga Premier League. Në 2021/22, sezoni i fundit për të cilin janë të disponueshme të dhënat, Norwich i fundit dhe i zbritur nga kategoria mblodhi 116.4 milionë euro, gati 30 më shumë se Inter.
Megjithatë, duhet theksuar se në Angli, përveç se kampionati është shumë më i pasur (këtë vit do të jetë edhe më shumë), 'vakti' ndahet më i barabartë. Nëse Inter merr pothuajse trefishin e Cremonese, në fakt, drejtuesit e Manchester City fitojnë "vetëm" 62% më shumë se Norwich (187.2 milionë).
Lexo më tej: Sot ndeshja më e pasur në botë: një playoff për promocionin që vlen 200 milionë euro
Në Itali, të ardhurat e mbledhura nga Lega Serie A ndahen ende sipas kritereve të përcaktuara nga ligji Melandri. Një ligj i modifikuar më vonë nga reforma Lotti:
- 50% ndahet në mënyrë të barabartë;
- 20% ndahet sipas shikueshmërisë (nga të cilat 8% sipas audiencës televizive të certifikuar nga Auditel dhe 12% sipas shikuesve me pagesë);
- 30% ndahet në bazë të rezultateve sportive (nga të cilat 12% në bazë të renditjes dhe 3% në bazë të pikëve për sezonin aktual, 10% në bazë të rezultateve të arritura në pesë kampionatet e fundit dhe 5% në bazë të renditjes së formuar duke marrë parasysh rezultatet sportive të arritura në nivel kombëtar dhe ndërkombëtar nga sezoni 1946/47 deri në sezonin e gjashtë para sezonit referues).
Këto janë shifrat që do të fitojnë 20 pjesëmarrësit në Serie A për sezonin 2022/23:
- Inter 87,1 milionë
- Napoli 80,3 milionë
- Milan 80 milionë
- Juventus 78,6 milionë
- Lazio 70, 7 milionë
- Roma 68,2 milionë
- Fiorentina 55,2 milionë
- Atalanta 55,2 milionë
- Torino 49,1 milionë
- Bologna 43,5 milionë
- Udinese 40,7 milionë
- Sampdoria 39 milionë
- Sassuolo 38,7 milionë
- Lecce 38,6 milionë
- Monza 34,2 milionë
- Verona 34,1 milionë
- Salernitana 32,6 milionë
- Empoli 32,6 milionë
- Spezia 30,1 milionë
- Cremonese 29,4 milionë
