Entuziazmi te yjet në shtëpinë e Inter, në prag të finales së Champions League kundër Manchester City. Ndeshja është planifikuar për nesër në orën 21:00 në stadiumin Olimpik Ataturk të Stambollit. E megjithë arritjen spektakolare, arkat e klubit zikaltër janë në një situatë jashtëzakonisht të pasigurt. Të paktën sipas asaj që raportohet nga New York Times.
Në fakt, sulm i New York Times ndaj Inter ka qenë shumë i ashpër: “Pavarësisht rezultateve të shkëlqyera të marra në fushë, është klubi më borxhli në Itali”. Sipas asaj që raportoi gazeta e njohur amerikane, zikaltrit kanë akumuluar borxhe mbi 900 milionë euro. Për më tepër, në këtë drejtim, klubi në pronësi të familjes Zhang duhet të shlyejë edhe një detyrim tjetër. Zikaltrit morën një kredie prej gati 300 milionë në 2021 te Oaktree Capital Management. Tani, në arkat e kompanisë kaliforniane të menaxhimit të aseteve, duhet të derdhen rreth 370 milionë euro.
“Krenaria nuk i paguan faturat – vazhdon New York Times –. Inter është një skuadër që kërcet, vuan dhe shtyn në kufirin e mundësive të tij. Tani për tani, është një klub i trukuar, i mbajtur në këmbë nga fashat dhe disa shpresa. Sipas llogarive të publikuara së fundmi, detyrimet totale janë afërsisht 930 milionë dollarë. E klubi ka shënuar humbje prej afro 430 milionë dollarë gjatë dy viteve të fundit”.
