Sassuolo mposhti Atalantën 1-0 në javën e 21 të Serie A. Në stadiumin Mapei, ndeshja u kushtëzuarnga përjashtimi i Maehle në minutën e 30' për një faull të rëndë. Skuadra e Dionisi i dhanë vazhdimësi suksesit kundër Milan, duke marrë fitoren e dytë radhazi në kampionat. Pas rasteve në pjesën e parë, aksioni vendimtar solli firmën e Laurienté. Ai shënoi golin e fitores në minutën e 55', duke mposhtur Musso. Për Atalantën, e cila mbylli në nëntë për kartonin e kuq të Muriel në shtesë, kjo është humbja e dytë radhazi, pas asaj në Kupën e Italisë.
Pas fitores në San Siro kundër Milan, Sassuolo mundi edhe Atalantën në stadiumin Mapei. Jeshilzinjtë janë +10 nga Verona, e treti nga fundi dhe e lanë Atalantën në vendin e 38 në renditje. Goli i Laurienté vendosi në minutën e 55', pasi Atalanta kishte mbetur me 10 lojtarë pas gjysmë ore. Përjashtimi i Maehle erdhi pas ndërhyrjes së VAR, për një faull ndaj Berardi. Faull që arbitri Marcenaro kishte vendosur ta ndëshkonte me një karton të verdhë.
Sassuolo, i lehtësuar nga epërsia numerike, luajti më mirë duke krijuar më shumë raste deri në avantazhin e merituar. Ndërsa Consigli ndërhyri vetëm në goditjen e lirë të Koopeminers. Në minutën e fundit të kohës së shtesë, Muriel u përjashtua me karton të kuq për protesta.
ROMA 2-0 EMPOLI
Roma mundi 2-0 Empolin në javën e 21 të Serie A dhe u ngjit në vendin e tretë të renditjes. Verdhekuqtë kanë lënë pas për momentin Lazion, Atalantën, Milanin, duke arritur Interin në vendin e dytë. Ndeshja në Olimpico u vendos nga dy goditje këndi në 6' e parë të lojës. Të dyja të goditura nga Dybala dhe të kthyera në gola me goditje me kokë nga Ibanez dhe Abraham. Djemtë e Zanettit reaguan, por nuk arritën kurrë të ngacmojnë kundërshtarët e tyre. Humbja e parë e vitit 2023 për Empolin.
CREMONESE 0-2 LECCE
Gjysmëfinalet e Kupës së Italisë janë tashmë një kujtim i largët për Cremonese, të mundur nga Lecce në betejëën për mbijetesë. Skuadra e Ballardinit nuk ishte kurrë në lojë e mposhtur 2-0. Baschirotto zhbllokoi ndeshjen në minutën e 58', Strefezza dyfishoi avantazhin në minutën e 69'. Pas 21 javësh, Cremonese ka mbetur me 8 pikë dhe pa fitore. Nuk ka ndodhur që nga viti 2003/04, kur Ancona e mbylli me 13 pikë. Lecce, nga ana tjetër, arrin Juventus në kuotën e 23 pikëve.
