Surpriza në javën e njëzet e dytë të Premier League. Kryesuesit e Arsenal dalin të mundur 1-0 ndaj Everton, në ndeshjen e parë të Toffees post-Lampard. Ndeshja për të besuarit e Dyche u vendos nga goditja me kokë e Tarkowski (60'), në goditjen e këndit të McNeil. Humbja e dytë në kampionat për Gunners, që me ndeshje të barabarta mbeten +5 ndaj City. Manchester, megjithatë, mund të shkojë në -2 të dielën duke fituar përballjen direkte me Tottenham të Conte.
Koha post Lampard i Everton nuk mund të niste në mënyrën më të mirë. Toffies realizojnë një sukses të madh duke mposhtur kryesuesit e Arsenal. Në Goodison Park, formacioni i drejtuar nga Dyche bëri një lojë të shkëlqyer. Ata ishin të parët që kërcënuan me Calvert-Lewin dhe Doucouré, por në të dyja rastet topi përfundoi jashtë. Në minutën e 40' ishte Saka që u bllokua në zonë, në një pozicion të favorshëm.
TARKOWSKI VENDIMTAR
Në fillimin e pjesës së dytë, Ramsdale duhej të impenjohej ndaj Gueye dhe Arteta vendosi të ndryshojë. Në minutën e 59' bëri debutimin e tij Jorginho me fanellën e Gunners. Vetëm një minutë më vonë, Toffees kaluan në epërsi. Goditje nga këndi e McNeil dhe me kokë Tarkowski e bëri rezultatin 1-0. Londinezët tentuan të përgjigjen me Saka dhe Xhaka, por i mungoi precizioni. Muri i vendasve qëndroi deri në fund, edhe sepse Zinchenko shkoi shumë afër 1-1 nga skaji i zonës në kohën shtesë.
Një sukses shumë i çmuar për Everton, që u ngjit në 18 pikë, duke i dhënë një shtysë vetes drejt shpëtimit. Kjo ishte fitorja e tyre e parë në 2023. Everton nuk buzëqeshte që nga 22 tetori i kaluar, ditën e fitores 3-0 ndaj Crystal Palace. Nga ana tjetër, Arsenal pëson humbjen e dytë në kampionat dhe mbetet në kuotën 50. Me ndeshje të barabarta janë +5 ndaj City, që në ndeshjen e madhe ndaj Tottenham mund të afrohet në -2, duke ushtruar presion te djemtë e Artetës.
