26 shqiptarë, të cilët nuk kishin leje-qëndrimi në Angli janë deportuar drejt Shqipërisë. Lajmi është bërë i ditur nga Home Office në Londër. Mes të deportuarve janë edhe persona të përfshirë në aktivitete kriminale, mes tyre dhe të dënuar për drogë.
Autoritetet britanike kanë nisur gjurmimin e emigrantëve të paligjshëm shqiptarë. Marrëveshja e firmosur mes kryeministrit shqiptar, Edi Rama dhe atij britanik, Rishi Sunak ka nisur zbatimin që në fillim të këtij viti për të kthyer mbrapsht të gjithë emigrantët e paligjshëm shqiptarë dhe personat me rekorde kriminale.
