Gjykata e Posaçme kundër Korrupsionit dhe Krimit të Organizuar ka firmosur pesë urdhër-arreste me kërkesë të SPAK. Urdhër-arrestet vijnë pas rrëfimit të një bashkëpunëtori të drejtësisë. Mësohet se një nga emrat e kapur nga drejtësia është arrestuar Akil Nerjaku. Kujtojmë se Nerjakut i është bërë atentat me snajper në Durrës. Ai arriti t’i shpëtojë atentatit në zonën e plazhit, pasi plumbi ka përshkruar një tjetër automjet me targa të huaja që ishte i parkuar.
Nerjaku u vu në pranga ditën e djeshme gjatë operacionit në banesën e Ramazan Rrajës. SPAK dje urdhëroi edhe shoqërimin e Rrajës, por gjatë kontrollit nuk u gjet në banesë. Urdhri i SPAK për arrestet vjen pas një procedimi panel të regtjistruar më herët pas rrëfimit të një bashkëpunëtori të drejtësisë. SPAK akoma nuk ka bërë njoftim zyrtar dhe detaje për operacionin në fjalë.
