Manchester City bën goditjen në transfertën e Londrës, duke rrëzuar Chelsea 1-0, në ndeshjen e vetmë të së enjtes në Premier League. Një gol i Mahrez në pjesën e dytë i mjaftoi skuadrës së teknikut Pep Guardiola për të kaluar të besuarit e Potter në Stamford Bridge. Citizens afrohen tashmë në -5 pikë nga kryesuesit e Arsenal. Ndërkohë, vazhdon momenti i keq i Blues, në vendin e dhjetë e tetë pikë larg zonës së Europës. Të dielën sfida përsëritet në FA Cup.
Manchester City përfitoi plotësisht nga barazimi mes Arsenal dhe Newcastle për t'u afruar pesë pikë nga Gunners. Skuadra e Arteta është e para në renditje, ndërsa Magpies shohin tani City të largohet +4 në vendin e dytë. Fitorja jashtë fushe kundër Chelsea në Stamford Bridge ishte vendimtare, duke e projektuar skuadrën e Guardiolës në vendin e dytë. Kriza e Blues vazhdon që kur Potter mori vendin e tij në pankinën e klubit londinez. Vendi i dhjetë dhe tetë pikë nga vendi i pestë që vlen Europën. Shansi i parë i vendasve erdhi me Pulisic në minutën e 19, ndërsa Haaland u përgjigjet në minutën e 38, duke goditur lart. Një minutë nga fundi i pjesës së parë, Chelsea pati një rast të mirë, por goditja e Chukwuemeka u përplas në shtyllë.
Në fillimin e pjesës së dytë ishte radha e miqve që të godisnin shtyllën me Akè. Sinjali për ndryshimin e marshit të City, edhe falë zëvendësimeve të Guardiola. Në fushë Grealish e Mahrez dhe pas vetëm 3 minutash të dy kombinuan për golin e fitores. Pas asistit të anglezit në minutën e 63, gjithçka ishte e lehtë për algjerianin me portën e zbrazët. Chelsea tentoi të nisë sulmin final por nuk mjaftoi e të dielën në Mançester përsëritet sfida në FA Cup.
