Është shtyrë për në datën 9 janar gjyqi ndaj Arbër Paplekajt. Mbrojtja e të pandehurve kërkoi kohë të njihet me provat e prokurorisë. Arbër Paplekaj akuzohet për vrasjen e Pjerin Xhuvanit në Elbasan. Ngjarja ndodhi vetëm pak ditë para zgjedhjeve të përgjithshme. Konkretisht, më 21 prill të vitit 2021, gjatë një përplasjeje me armë mes dy grupimeve politike mbeti i vrarë mjeku Pjerin Xhuvani. Ndërkohë mbetën të plagosur 4 persona të tjerë mes të cilëve edhe një punonjëse policie.
Pas ngjarjes, në polici u vetëdorëzua Arbër Paplekaj, shoqërues i drejtuesit politik të PD të Elbasanit në atë kohë Gazmend Bardhit.
