Mediat raportojnë se një person me rrezikshmëri të lartë dhe i shpallur në kërkim ka thyer dy patrulla policie në Elbasan mbrëmjen e kësaj të enjteje.
Sipas të njëjtave burime ky automjet ka alarmuar të gjithë Drejtorinë e Policisë së Elbasanit.
Raportohet se automjetit me targa AB 680 AB fillimisht i është bërë me shenjë nga një patrullë policie që të ndalojë në hyrje të qytetit të Librazhdit, por makina nuk ka ndaluar dhe ka vijuar lëvizjen në drejtim të qytetit të Elbasanit.
Menjëherë forcat e policisë së Librazhdit kanë njoftuar Drejtorinë e Policisë së Elbasanit, e cila ka angazhuar menjëherë dy patrulla policie të cilat i kanë kërkuar sërish mjetit që të ndalojë, por është përsëritur e njëjta situatë, pasi makina nuk ka ndaluar.
Sipas të njëjtave burime në automjet ishte një person me rrezikshmëri të lartë. Thuhet se menjëherë janë angazhuar të gjitha forcat operacionale të Elbasanit, por pavarësisht angazhimit nuk ka qenë i mundur ndalimi dhe kapja e personave që udhëtonin me këtë automjet. ©LAPSI.al
