Komunikimi i Edi Ramës me gazetarët pas mbledhjes së Kryesisë së PS-së nuk ishte i qetë. Nervozizmi i kryeministrit vihej re teksa nisën pyetjet se si është e mundur që një tjetër njeri nga radhët e tij përfundon në burg, ndërkohë që ai vetë refuzon ta pranojë se në fakt çështja e inceneratorëve është një aferë korruptive.
Ironia e gazetares Ambrozia Meta se kryeministrit po i formohet një grup i ri parlamentar brenda qelive, e nxehu akoma më tej Edi Ramën, aq sa me arrogancën që e karakterizon i tha asaj se nuk do t’i përgjigjet për 60 ditë. Kjo nuk është hera e parë që kryeministri përplaset me gazetarët.
E sotmja ishte e radhës kur ai është gjendur ngushtë për të mbuluar korrupsionin qeveritar dhe një tjetër njeri të tij që pritet të përfundojë në qeli. Fotot më poshtë të shkrepura pikërisht në momentin kur Rama u iku gazetarëve flasin më shumë se çdo fjalë tjetër për gjendjen e kryeminstrit sot. Justifikimi bajat se përgjegjësia është personale dhe se ai nuk ka dijeni fare për cfarë bëjnë të emëruarit e tij, nuk bind më askënd. ©LAPSI.al
