Roman Hrybov është bërë një hero në vendin e tij. Është pikërisht marinari që i tha “Ik pirdhu!” luftanijes ushtarake ruse më 24 shkurt në ditën e shpërthimit të luftës duke mbrojtur “Ishullin e Gjarpërinjve”.
Marinsi u kthye në shtëpi në rajonin e tij të lindjes në Cherkasy pas një shkëmbimi të të burgosurve, por fillimisht iu dha një medalje nga Ministria e Mbrojtjes e Ukrainës.
Fillimisht 13 rojet kufitare që ndodheshin në jug të portit të Odessa u besuan se kishin vdekur pas mosdorëzimit kundër rusëve. Ditë më vonë erdhi lajmi se ata ishin kapur, deri në lirimin me shkëmbimin mes të burgosurve.
Vetë presidenti ukrainas Zelensky kishte shpallur menjëherë për këta ushtarë dekoratën e Heroit të Ukrainës për shërbimet e bëra ndaj kombit. ©LAPSI.al
