Ish-kryeministri Sali Berisha thotë se qëllimi i protestës së 8 janarit ishte që të nxirreshin jashtë selisë së PD-së persona të inkriminuar dhe për të nxjerrë Lulzim Bashën nga zyra.
“Shkuam për të nxjerrë jashtë selisë vrasësit, banditët. Për ta nxjerrë nga zyra butësisht, jo me të prekur, deputetin Lulzim Basha. Këto të dyja ishin qëllimet”, - tha ish-kryeministri.
Ish-lideri i PD akuzoi kryeministrin Rama se kishte pajisur personat brenda selisë blu me mjete që disponon policia. Ai shtoi se kryeministri Rama duke thënë se "zbatoi aty projektin ‘Blind biss’ të Kryeministrisë".
“Dispononin të gjitha mjetet që disponon policia e ndërhyrjes së shpejtë. Dispononin pistoletë neuroparalizuese. Dispononin bomba gazi, bomba shurdhuese. Dispononin bomba tymuese”, - tha Berisha.
