“Mijëra fëmijë në rajon janë vrarë, gjymtuar, rrëmbyer, zhvendosur dhe kanë përjetuar shkelje të të drejtave të tyre njerëzore”.
Kjo është deklarata e UNICEF e cila ka bërë të ditur se gjithsej 1.440 nxënës u rrëmbyen dhe 25 sulme ndodhën nëpër shkolla në Nigeri në vitin 2021.
Duke vënë në dukje se një në katër shkelje të rënda të verifikuara nga OKB-ja në botë është kryer në Afrikën Perëndimore dhe Qendrore që nga viti 2005, UNICEF tha se më shumë se 6,400 fëmijë ishin viktima të një ose më shumë shkeljeve të rënda në rajon vitin e kaluar.
“Fëmijët nigerianë vazhdojnë të vuajnë ndikimin e krizës. Një konflikt i zgjatur është ndezur në Nigerinë verilindore për 12 vjet tani”, tha organizata në një deklaratë.
“Fëmijët nigerianë, qofshin ata objektivë të drejtpërdrejtë të dhunës apo viktima kolaterale të konfliktit, janë kapur nga pasiguria e vazhdueshme që po shohim në të gjithë vendin. Kjo është e papranueshme”, u shpreh Phuong T. Nguyen, kreu i UNICEF-it në zyrën në Maiduguri, Nigeri
“Ky raport i rëndësishëm tregon shkallën e shkeljeve të rënda të të drejtave të fëmijëve në Nigeri dhe në të gjithë rajonin e Afrikës Perëndimore dhe Afrikës Qendrore, shkelje që duhet të marrin fund nga të gjitha palët në konflikt”, shtoi Nguyen.
