9 persona humbën jetën si pasojë e zjarrit që shpërtheu në terapinë intensive të një spitali COVID në Rumani. Kjo është hera e tretë në më pak se një vit, që një strukturë spitalore përfshihet nga flakët ne këtë vend. Zjarrfikësit arritën të shuanin flakët në qytetin lindor të Konstanta rreth orës 8 të mëngjesit dhe dhjetëra pacientë u evakuuan dhe transportuan në zona të afërta.
Më shumë se 12 mijë pacientë, përfshirë 315 fëmijë po trajtohen në spitalet rumune për COVID-19, rreth 1300 prej të cilëve janë në terapi intensive. Në muajin shkurt, një zjarr vrau 4 pacientë me koronavirus në kryeqytetin Bukuresht, ndërsa në nëntor, 10 vetë humbën jetën në një tjetër incident të ngjashëm në Piatra Neamt.
