Përfaqësuesit e sipërmarrjeve private, nën grupimin e Unionit Turistik Shqiptar, nëpërmjet një letre drejtuar ministres së Shëndetësisë, Ogerta Manastirliu, Mira Rakacolli, Drejtoreshë e Komitetit Teknik të Ekspertëve, dhe Blendi Klosi, Ministër i Turizmit dhe Mjedisit, kanë kërkuar ndryshim të masave kufizuese të Covid-19. Sipas tyre këto masa po i penalizojnë në sezonin turistik dhe shërbimet për turistët e huaj.
Në shkresën në fjalë thuhet se në kushtet aktuale ku ndodhet vendi ynë duhet të rishikohet mundësia për zgjerimin e fashës së orës policore si dhe lejimin e muzikës në lokale.
