Një këmbësore 72-vjeçare është përplasur për vdekje nga një automjet. Policia thotë se aksidenti ka ndodhur pasditen e kësaj të mërkure në Sukth, ku një i ri që po drejtonte një makinë BMW ka përplasur këmbësoren, e cila për pasojë ka ndërruar jetë.
Shoferi 20-vjecar eshte shoqëruar në komisariat, ndërsa policia thotë se po punon për zbardhjen e rrethanave të aksidentit.
Njoftimi i policise
Më datë 09.06.2021, rreth orës 19:00, në Sukth, Durrës, shtetasi A. A., 20 vjeç, duke drejtuar mjetin tip “BMË”, ka aksidentuar këmbësoren, shtetasen N. L., 72 vjeçe, e cila për pasojë ka ndërruar jetë.
Drejtuesi i mjetit eshte i pajisur me leje drejtimi, si dhe eshte shoqëruar në ambientet e Policisë për veprime të mëtejshme. Nga testi i kryer eshte konstatuar se nuk ka perdorur pije alkoolike.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
