Detaje mbi ngjarjen makabre, vrasjen që tronditi Fieri mbrëmjen e djeshmem kanë dalë në dritë. Irvana Hyka u vra nga bashkëshorti i saj në banesën ku jetonte në lagjen “Sheq i Madh” në Fier. Autori i këtij krimi të rëndë është Demokrat Medinaj, 29 vjeç i cili është larguar në drejtim ende të paditur. Çifti ka dy fëmijë të mitur, 6 dhe 4-vjeç.
Familjarët e viktimës shprehen për mediat se viktima ishte shtatzënë në javën e 6-të dhe i shoqi e ka qëlluar 31 herë me thikë duke i marrë jetën. Ndonëse fillimisht u raportua se autori i krimit ishte me probleme të shëndetit mendor, babai i vajzës ka thënë se kjo gjë nuk është e vërtetë.
