Që nga fushata e vitit 2009, ajo e vitit 2013 dhe më pas në 2017, kreu i PS-së Edi Rama ka premtuar me vendosmëri furnizim me drita dhe ujë, por në fushatën e vitit 2021 këto kërkesa përsëriten vazhdimisht në takimet elektorale. Sot në Lezhë, në një takim me adimnistratorët e bujtinave, njëri prej tyre i kujtoi kryeministrit se në zonat ku operojnë ata ka ende probleme me dritat në linjën kryesore të Lezhës. "Eee miku im, nuk është investuar aty që në kohën e elektrifikimit", u shpreh Rama duke vazhduar "Duhet durim, durim. Ju jeni njerëz që i keni ngrit vetë bizneset tuaja dhe e dini që duhet durim, nuk bëhet asgjë brenda ditës" ishin fjalët me të cilat Rama e përcolli këtë kërkesë bazike për jetën e përditshme, që vazhdon të përsëritet ende.
