Ka nisur mesditën e sotme seanca gjyqësore në Gjykatën Penale të Tiranës për caktimin e masës së sigurisë për 3 infermieret dhe 1 sanitare të cilat janë arrestuar pak ditë më parë në spitalin COVID-2. 3 infermieret dhe një sanitarja u ndalën nga Policia e Tiranës, pasi ato dyshohen se janë të përfshirë në aferën korruptive të Tire Alldervishit.
Lexo edhe: Përgjimet E PLOTA të grupit të Tires së Sanatoriumit/ “Do ti ndajmë të gjitha bashkë”
Gjatë seancës, njëra prej infermiereve, Sidorela Çela është përlotur në sallën e gjyqit, teksa është shprehur se ka dy fëmijë të mitur.Ndërkaq, ditën e sotme është dhënë masa e sigurisë “Arrest shtëpie” edhe për një tjetër infermiere, Ronida Hysi, të arrestuar tek COVID-1 e cila grabiti një pacient që ndërroi jetë në spital.
