Një 41 vjeçar, banues në Devoll, ka thyer masën e sigurisë “arrest me burg”, teksa është kapur nga shërbimet e Stacionit të Policisë Kufitare Kapshticë në automjetin tip “Benz”. Specialistët për Hetimin e Krimeve në Komisariatin e Policisë Devoll kuptuan se ky shtetas kishte thyer masën e sigurisë të caktuar pasi kishte ndihmuar disa shtetas në kalimin e paligjshëm të kufijve. Masa ishte caktuar nga Gjykata e Rrethit Gjyqësor Tiranë.
Shtetasi K. H., u arrestua në flagrancë dhe materialet shtesë në ngarkim të tij i kaluan Prokurorisë pranë Gjykatës së Shkallës së Parë Korçë për veprime të mëtejshme.
