Instituti Kombëtar i Shëndetit Publik bën të ditur se numri total i rasteve pozitive është 62.258 raste nga 249.775 persona të dyshimtë në virusin SARS-CoV-2 dhe 1.523 raste të vdekjes.
Gjatë 24 orëve të fundit, janë shëruar 274 pacientë derisa numri i përgjithshëm i të shëruarve deri më sot është gjithsej 54.042 raste, kurse numri i rasteve aktive është 6.693.
Ndryshe, një ditë më parë ministri në detyrë i Shëndetësisë Armend Zemaj ka thënë situata me pandeminë është menaxhuar në mënyrë efikase dhe mund të konsiderohet e qetë, ani pse ka kërkuar që të vazhdohet me disiplinë.
Zemaj theksoi se janë vënë në dispozicion të gjithë mekanizmat për menaxhimin e variantit të ri të COVID-19.
Duke folur për gjobat tha se jo vetëm për qytetarë, por ka pasur gjoba edhe për partitë politike.
