Dalin detaje të reja nga ngjarja e rëndë që tronditi Durrësin mbrëmjen e kësaj të diele. Një 32-vjeçar u vra me armë pas një sherri në lagjen numër 16 të qytetit në afërsi të stadiumit "Niko Dovana".
Burime të lapsi.al thanë se ai u qëllua me breshëri armësh nga persona të paidentifikuar. I riu i identifikuar si Jetmir Bregu nuk mundi të mbijetojë edhe pse u dërgua menjëherë në spitalin rajonal të qytetit.
Policia tha se ka shoqëruar në komisariat disa persona që kanë qenë të pranishëm në momentin e ngjarjes për të marrë dëshminë e tyre.
Uniformat blu kanë ngritur disa pika kontrolli dhe se po bëhet krehja e zonës në mënyrë që të identifikohet dhe ndalohet autori i ngjarjes. ©LAPSI.al
[video width="1136" height="640" mp4="https://cdnimpuls.com/lapsi.al/wp-content/uploads/2021/01/WhatsApp-Video-2021-01-24-at-19.09.23.mp4"][/video]
