Policia ka arrestuar dy të rinj në Elbasan si autorë të trazirave para derbit Partizani-Tirana. Ditën e djeshme para sfidës tifozët e irrituar pasi nuk u lejuan të futen në stadium patën një konflikt mes tyre.
Të arrestuarit nga policia janë Stiven Vojka dhe Kevi Beqiraj. Nga ana tjetër janë hetuar tashmë 14 persona në gjendje të lirë. Dje, tifozë të ekipeve të futbollit Tirana dhe Partizani janë konfliktuar fizikisht me njëri-tjetrin, duke përdorur sende të forta, dhe për pasojë janë dëmtuar 3 shtetas, të cilët ndodhen jashtë rrezikut për jetën.
