Pas vizitës dyditore në Turqi, kryeministri Edi Rama njofoi se sapo ka mbërritur në Athinë. Rama shkruan në “Twitter” se do të zhvillojë një drekë pune me homologun e Greqisë, Kyriakos Mitsotakis. Rama ka ndarë një foto teksa zbret në aeroportin e Athinës ku shkruan se me homologun grek do të diskutojë për koordinimin e luftës kundër COVID, forcimin e marrëdhënieve mes du vendeve dhe integrimin europian të rajonit.
“Në Athinë për një drekë pune me Kryeministrin Mitzotakis,për të diskutuar mbi koordinimin e mëtejshëm në luftën e përbashkët kundër Covid19; forcimin e mëtejshëm të marrëdhënieve strategjike mes dy vendeve; bashkëpunimin rajonal dhe integrimin europian të rajonit tonë”, shkruan Rama.
