Një motor është përplasur me një furgon mesditën e sotme në Golem të Kavajës, e për pasojë ka ndërruar jetë drejtuesi i motorit, 52-vjeç.
Mësohet se në motor me viktimën ka qenë edhe një grua, e cila ka mbetur e plagosur dhe është dërguar me urgjencë në spitalin e Durrësit. Ende nuk ka asnjë të dhënë për gjendjen e saj.
"Me datë 30.11.2020, rreth orës 15:30, në Golem, është përfshirë në aksident mjeti motorr me drejtues shtetasin A.Gj., 52 vjeç dhe pasagjere shtetasen L.Gj., me mjetin tip fugon me drejtues shtetasin E.P. Si pasojë e aksidentit ka humbur jetën shtetasin A.Gj., ndërsa shtetasja L.Gj., u dërgua në spitalin e Durrësit dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes", shkruhet në njoftimin e policisë.
