Kryetari i Partisë Demokratike, Lulzim Basha, ka ftuar sërish qytetarët që t’i bashkohen së bashku me familjet e tyre protestës së dhjetë në radhë në rang kombëtar të opozitës së bashkuar joparlamentare, që do të zhvillohet mbrëmjen e sotme në orën 20:00.
Përmes një video-mesazhi të postuar në llogarinë e tij zyrtare në “Facebok”, kryedemokrati bën thirrje për pjesëmarrje masive, në emër të “Shqipërisë së mundësive për të gjithë”.
“Arrogancës dhe shpërfilljes, iu përgjigjëm me refuzim
Padrejtësisë, do t’i përgjigjemi me qendresë!
Pamundësinë, varfërinë, papunësinë nuk do t’ua lëmë trashëgim fëmijëve.
Ne treguam se jemi më të fortë se e keqja.
Ne duam një të ardhme me mundësi për të gjithë
Bashkë për të ardhmen!
Bashkë për Shqipërinë!”- janë mesazhet në videon e shpërndarë nga lideri i opozitës.
“Padrejtësinë, pamundësinë, varfërinë dhe papunësinë nuk do tua lemë trashëgim fëmijëve! Sonte në orën 20:00, në Tiranë të gjithë bashkë për familjen dhe fëmijët tuaj, për Shqipërinë e mundësive për të gjithë! #8korrik #ShqipëriaSiEuropa! Asnjë hap pas! #RamaIk”, shkruan Basha bashkëngjitur në postimin e tij.
https://www.facebook.com/lulzimbasha.al/videos/660643771122673/?v=660643771122673
