Diten e sotme ish-kryeministri Sali Berisha posti nje mesazh nga qytetari dixhital, ku thuhej se eshte arrestuar kandidati i PS ne Pogradec, Ilir Xhakolli.
Pas ketij njoftimi, ka reaguar menjehere Xhakolli i cili e ka mohuar kete lajm, duke iu drejtuar Sali Berishes.
“Lidhur me një postim i cili po qarkullon orët e fundit.
Sinqerisht me vjen keq për ju Sali Berisha. Një njeri në moshën tuaj dhe me funksionet që ka pasur, të arrijë në këtë derexhe. Por këtej nga anët tona thonë: Kur njeriu kalon në fazën e fundit të çmendurisë, fillon ha prej për dheri (çfarë të gjejë)
Një këshillë miqësore kam për ty, para se të publikosh diçka pyet paraprakisht sepse u bëre gazi i botës dhe pogradecarët janë duke u tallur me ty.
Nuk do reagoja kundër shpifjes tuaj të ulët, por e kam detyrë morale të informoj qytetarët e Pogradecit. Gjendja juaj mjerane tregon edhe njëherë se 30 Qershori ndan shapin nga sheqeri, midis një politike të vjetër dhe shpifëse dhe politikës tonë për ti dhënë fund njëherë e përgjithmonë kësaj situate në 30 Qershor!”, ka shkruar ai.
