Antonio Conte tek Inter ishte i destinuar të krijonte zhurmë në ambjentet e futbollit. E kaluara juventine e teknikut salentin nuk mund të mos acaronte tifozët bardhezinj, që tashmë duhet ta shohin në pankinën e 'armiqve' të përjetshëm. Në anën tjetër, është mjaftueshëm të shpërthejë edhe ironinë e atyre që shohin ADN e Juventus në klubin zikaltër, që pas Marotta mori edhe Conte. "Në mëngjes Conte, po në mesditë Pavel Nedved?" është një prej tyre. "Përse pikërisht unë" mediton Conte për një tjetër, duke iu referuar frazës së famshme të Balotelli...
