Sot e ka marrë fjalën në parlament edhe deputeti i opozitës së re, Enver Roshi, i cili vjen nga radhët e LSI-së dhe që Rilindja e ka votuar si kryetar të komisionit të shëndetësisë.
Duke shpërfillur modestinë, Enveri është vetëcilësuar intelektual dhe këtë e ka përligjur me faktin se e do Shqipërinë në Europë por dhe si patriot nga ata që nuk pranojnë që vendi të përgojohet jashtë shtetit.
Ai e ka justifikuar besimin e Rilindjes duke ripërsëritur temën e kryeministrit se atdheu nuk duhet sharë në gjuhë të huaj. "Ata që e bëjnë thonë se po shajnë politikanët, po politikanët të kujt janë, a nuk janë të popullit? Pra me një fjalë ata po shajnë popullin tonë që është një nga pjestarët më të lashtë të kontinentit tonë", tha Enveri i LSI që nuk e humbi rastin për të treguar se ka në kokë mbeturina nga propaganda e kohës së Enverit të dikurshëm.
©Lapsi.al
