Një finale sezoni që do të jetë vendimtare për shumë aspekte. Milani është i detyruar të mos humbasë më pike, për të arritur atë Champions që dukej thuajse e arritur disa javë më parë, por që tani është bërë më e vështirë se kurrë dhe Gattuso do ta bëjë duke besuar tek njerëzit e tij, që për të thënë të drejtën shumë prej tyre e kanë zhgënjyer në momentin më delikat të sezonit: Hakan Çalhanoglu dhe Suso.
CILA ËSHTË E ARDHMJA – Spanjolli, në veçanti, simboli i Milanit të Gattuso, është dukur në fushë sikur të ishte jashtë cdo mekanizmi. Po, sepse rinovimi i kontratës i kërkuar nga numri 8 i kuqezinjve nuk ka ardhur: shumë distancë, sikurse shkruan Tuttosport, mes ofertës së klubit milanist dhe kërkesës së spanjollit, që pretendon 5 milion euro në sezon. Champions mund të ndryshojë gjithçka, për të gjithë: në fund të sezonit do të ketë një takim tjetër për të kuptuar ato që do të qëndrojnë, me Suson, që në fakt duket se është çdo ditë e më larg Milanit. Ka katër ndeshje për të provuar për të ndryshuar ide në planet e milanistëve.
