Pas muajsh vuajtje në pankinë dhe mungese besimi nga tekniku Jurgen Klopp, Xherdan Shaqiri kthehet triumfues dhe mund të ketë vendosur shenjën e tij në golin më të rëndësishëm të sezonit të Liverpool, që kthehet në krye të Premier League vetëm katër minuta nga fundi në transfertën me Newcastle, për të rrëmbyer fitoren 2-3 me golin e Origit dhe asist të kosovarit të Zvicrës.
https://cdnja.r.worldssl.net/mp4/a3/a3Lq.mp4
Në “St. James’ Park” ka qenë jashtëzakonisht e vështirë për Të kuqtë, që edhe pse shënuar dy herë të parët janë arritur nga Qymyrxhinjtë. Goditjet standarte konfirmohen pika e fortë e skuadrës së Klopp, që avantazhin e mori me qendërmbrojtësin Virgil Van Dijk, i cili shënoi me kokë pas një harkimi nga goditja e këndit.
https://cdnja.r.worldssl.net/mp4/ka/ka1E.mp4
Të besuarit e Klopp ndoshta vuajtën shumë lodhjen fizike e mendore të një disfate si ajo në Champions në Camp Nou dhe avantazhin mundën ta ruajnë vetëm 7 minuta, sepse në të 20-të, Newcastle United barazoi me golin e shënuar nga Christian Atsu, i cili e shfrytëzoi një aksion të bukur të bardhezinjve.
https://cdnja.r.worldssl.net/mp4/gy/Gy4v.mp4
Ankthi për shansin e fundit për titull, që Liverpool nuk duhet ta conte dëm, ka karakterizuar lojën e skuadrës së Klopp, që me presing të lartë e vuri në vështirësi të madhe kundërshtarin, duke e dënuar në minutën e 28, me golin e Mohamed Salah, që ndoqi mirë krosimin e Alexander Arnold. Një gol që ktheu bindjen dhe entuziazmin për misionin e përmbushur, por që zgjoi edhe njëherë Qymyrxhinjtë.
https://cdnja.r.worldssl.net/mp4/rn/Rnk7.mp4
Në fakt, gjithcka u komplikua për Liverpool kur Solomon Rondon barazoi edhe një herë rezultatin në minutën e 54’ dhe Të kuqtë u vunë në panik dhe nuk shfaqën qartësinë për të shënuar përsëri. Ndoshta lëvizja e dëshpëruar e Klopp është ajo që vendosi ndeshjen, sepse Shaqiri nuk kishte zënë vend prej muajsh në mendjen e teknikut gjerman: kosovari zëvendësoi Georginio Wijnaldumin në minutën e 66-të të ndeshjes la shënjen e tij 4 minuta nga fundi.
https://cdnja.r.worldssl.net/mp4/5x/5X40.mp4
Rafael Benitezin, trajner i Newcastle, dështoi të pengojë ish-skuadrën e tij të vazhdojë të ëndrrojë titullin kampion. Liverpool kthehet në vendin e parë, kur ka mbetur edhe një ndeshje për të luajur, por City ka në dispozicion dy dhe të hënën, ka pengesën më të fortë përballë, Leicester.
