Ish-deputeti i PD-së Agron Shehaj është shprehur se pjesëmarrja masive në protestën e sotme të opozitës tregon që qytetarët kërkojnë të pastrojnë politikën nga krimi dhe korrupsioni. Sipas tij, i takon PD-së që të sjellë ndryshimin e kërkuar.
“Pjesëmarrja masive e qytetarëve në protestën e sotme tregon se shqiptarët janë të vendosur për të pastruar politikën, ekonominë dhe shoqërinë nga krimi dhe korrupsioni.
Ata duan politikanë të ndershëm, sipërmarrës të ndershëm, gazetarë të ndershëm, intelektualë të ndershëm. Shqiptarët kërkojnë një vend ku ka liri dhe mundësi, ku ka konkurencë të lirë, dhe ku qeveria i jep llogari njerëzve. Na takon ne demokratëve që t’u japë shqiptarëve vizionin e këtij ndryshimi të madh që ata kërkojnë”, shkruan Shehaj në rrjetet sociale.
