Dy shqiptarë kanë rënë në pranga, pasi akuzohen se kanë përdhunuar një 30-vjeçare italiane.
Ngjarja ka ndodhur në Altidona. Mediat italiane raportojnë se dy shqiptarët, identiteti i të cilëve nuk bëhet i ditur, banonin në komunën Pedaso.
‘Ilgiornale.it’ shkruan se dy shqiptarët akuzohen se javën e kaluar kanë abuzuar seksualisht me vajzën italiane pas një ceremonie martesore që u zhvillua në një restorant. Autorët e dyshuar thuhet se ishin kamerierë në këtë restorant, ndërsa vajza merrej me arredimin e ambientit.
Gjatë dëshmisë së saj në polici vajza tregoi se mbante mend dy fytyrat e agresorëve të saj, të cilët e dhunuan seksualisht. Ajo pohoi mes të tjerash se kamerierët natën që ndodhi ngjarja e kishin dehur dhe më pas e kishin marrë me makinën e tyre.
Pasi e çuan në një vend të izoluar, shqiptarët dyshohet se e kanë detyruar vajzën që të kryejë marrëdhënie seksuale me ta. Pak pas ngjarjes ata e braktisën atë gjysmë të zhveshur në komunën Pedaso. Aktualisht dy shqiptarët janë vënë në pranga, ndërsa do të përballen me akuzat për ‘përdhunim’.
