Makina që u hodh në erë mbrëmjen e sotme në Bulqizë është në pronësi të shtetasit T.Tanci.
Detajet i bëri të ditura policia, e cila njofton se personi më sipër është pronar i një lavazhi, vendi ku edhe makina e parkuar shpërtheu.
Nga shpërthimi nuk ka pasur të lënduar, por vetëm dëme materiale.
Njoftimi i Policisë:
Rreth orës 21.40, në shesh parkimin e një lavazhi dyshohet se në pjesën e përparme të automjetit tip ‘Audi’, është vendosur lëndë plasëse, e cila ka shpërthyer duke e dëmtuar pjesërisht mjetin.
Si pasojë e shpërthimit nuk ka persona të lënduar, Automjeti është në përdorim nga shtetasi T.T, banues në Bulqizë.
Grupi hetimor ndodhet në vendin e ngjarjes dhe po heton për zbardhjen dhe dokumentimin e plotë të rrethanave të ngjarjes, identifikimin dhe kapjen e autorit.
