Nuk duhet shumë për të kuptuar se cilat do të jenë trendet që do të dominojnë në 2018-ën. Që nga stilistët deri tek influencuesit e modës që shohim në rrugë, duket se janë në një mendje për llojin e caktuar të xhaketave, mëngëve apo ngjyrës këtë sezon. Nuk do të kalojë shumë kohë derisa t’i vëmë re kudo, por përpara se të arrijmë aty, le t’u hedhim një sy këtu paraprakisht...
Ultra vjollcë
Kompania Pantone lajmëroi se ngjyra e 2018-ës do të jetë ajo vjollcë, me nuanca magjepësese që u ofron stilistëve mundësi të ndryshme shprehjeje. Kjo ngjyrë ishte prezente në pasarelat e pranverës 2018 në show të Rochas dhe Zadig dhe Voltaire. Prisni t’i shihni nuancat e saj kudo në 2018-ën.
Mëngët e fryra
Mëngët super të mëdha i kemi parë edhe në 2017-ën, por cili do të jetë trendi i radhës? Bluzat voluminoze që të japin pak ndjesi se je në shekullin e 19-të dhe pak ndjesi Louis Vuitton. Nicholas Ghesqui’ere ka luajtur për pak kohë me siluetat, por tani firma të tjera luksoze si Burberry dhe JOUR/NÉ I janë bashkuar argëtimit.
Pantallona të shkurtra dhe të ngushta çiklisti
Pasarelat e Verë 2018 e konfirmuan. E pëlqeni ose jo, stili I viteve ’90 të pantallonave të shkurtra prej çiklisti do të jetë I paevitueshëm. Kim Kardashian ka pak që e ka përqafuar këtë trend por kjo tendencë është parë edhe në pasarelat e Fenty, Nina Ricci dhe Agnes B.
Xhaketat plastike
Calvin Klein ka rizgjuar interesin për palltot dhe akesorët super shkëlqyes. Dy sezone pasi ai i hodhi poshtë në pasarelë, kemi vënë re më shumë xhaketa plastike në rrugë dhe në dyqanet tona të preferuara.
Energji diskoje
Papritur kemi një rikthim të modës tek e kaluara. Në 2018, do të shohim magjepsjen e stilistëve nga manifestimi i diskove në vitet ’70 me temina, xixa dhe bute të stolisura. Shihni pasarelat e Marc Jacobs dhe Halpern për më shumë inspirim.
Ngjyrat bllok primare
Calvin Klein dhe Oskar de la Renta duket se kanë rënë dakord për 3 ngjyrat bllok primare. Me këtë koleksion të limituar, mund të fokusoheni tek kombinimet grafike të këtyre ngjyrave. Sa më e thellë nuanca, aq më mirë.
