Mazhoranca nis betejën për të shkarkuar kreun e KQZ-së, i votuar aty me konsensus të opozitës para zgjedhjeve të 25 qershorit.
Vendimin e bëri publik sot kryeministri Rama në mbledhjen e grupit parlamentar të PS-së. Duket se fatin e Klement Zgurit do ta ketë edhe kryetari i Bashkisë Mallakastër, të cilin KQZ vendosi të mos i ndërpriste mandatin në kuadër të ligjit të dekriminalizimit.
“Unë e mbështes plotësisht nismën e kryetarit të grupit për të filluar procedurat e shkarkimit të kryetarit të KQZ-së, ndërkohë që së bashku me ekspertët e Kryeministrisë po gjykohet edhe mundësia e shkarkimit të kryetarit të Bashkisë së Mallakastrës si një entitet i gjykuar nga gjykatat italiane që përbën subjekt të ligjit të dekriminalizimit”, u shpreh Rama.
