Një 43 vjeçar banues në Papaj të Tropojës i kërkuar për vrasje është arrestuar nga efektivët e policisë në bashkëpunim me Forcat e Ndërhyrjes së Shpejtë të Shkodrës.
Shpend Demaj, përfundoi në pranga pasi ishte në kërkim nga autoritetet e Kosovës.
Ndalimi i këtij shtetasi u bë me qëllim ekstradimin e tij drejt shtetit të Kosovës, pasi ndaj këtij shtetasi, Gjykata e Pejës ka lëshuar urdhër arresti më datë 13 korrik 2012 “Vrasje e rënde më dashje”, ndërsa është shpallur në kërkim ndërkombëtar më datë 14.05.2014.
Gjatë kontrollit të ushtruar nga Policia, në banesën e shtetasit Shpend Demaj, u gjet dhe u sekuestrua një armë zjarri tip pushkë.
Materialet do t’i kalojnë Prokurorisë për veprime të mëtejshme.
