Mëngjesin e sotëm kryeministri Edi Rama vendosi t’ia urojë shqiptarëve me pamje nga ndryshimet e bëra në Qendrën Spitalore Universitare Nënë Tereza gjatë mandatit të tij të parë.
Pas publikimit të pamjeve nga rikonstruktimi i Spitalit Ushtarak pak ditë më parë, ku kreu i qeverisë përshëndeti edhe mjetet e reja mjekësore të standartit europian, këtë herë Rama zgjodhi QSUT-në.
“Mirëmëngjes dhe me një tjetër pasqyrë spektakolare të Rilindjes që vijon hap pas hapi në Qendrën Spitalore Universitare Nënë Tereza, ju uroj një ditë të mbarë,” - shkruan Rama në Facebook.
Edhe pse sektori i shëndëtësisë është një nga problematikët në vend dhe ndër më të akuzuarit për mungesë kushtesh e korrupsion, për Ramën shëndetësia po rilind në mënyrë spektakolare.
