Fabrizio Corona ka dalë sërish përpara gjykatës. I akuzuar për regjistrimin e rremë të mallrave, evazion fiskal dhe shkelje të rregullave të kapitalit mbi masat parandaluese, ish-paparaci tha se shuma e 1.7 milion eurove të gjetura në shtëpinë e ish-bashkëpunëtores së tij, Francesca Persi, 'vijnë nga mbrëmje të ndryshme, fushata dhe punë që ka kryer nga viti 2008 në 2012, në veçanti gjatë vitit 2009, kur bashkë me Belen Rodriguez-in u kthyen në një dyshe mediatike të shkëlqyer!'
Ai tha se bashkë me yllin argjentinas ishin kthyer si 'Bonnie dhe Clyde, dhe çdo gjë që preknin kthehej në ar, fitonim shifra marramendëse'. Ai foli edhe për periudhën kur Belen humbi fëmijën, periudhë në të cilën Corona filloi përdorimin e kokainës.
