Deputetja e Partisë Demokratike, Jorida Tabaku, është shfaqur rrallë herë në publik kohët e fundit dhe për këtë duket se ka një arsye të fortë. Ajo pret të bëhet nënë e dy binjakëve!
Një gjë e tillë vërtetohet në fotografitë e saj nga Çadra e Lirisë, ku ajo prej datës 18 shkurt proteston përkrah opozitës e mbështetësve të saj. Edhe pse mundohet t’i fshehë, në fotografi vihen re format e rrumbullakosura të deputetes. Palltoja e saj e bardhë zbulon pritjen e ëmbël të cilën po përjeton prej pesë muajsh.
Tabaku është nja figurat më të njohura të Partisë Demokratike. Prej disa vitesh, ajo është e martuar me Saimir Sallakun, me të cilin është njohur në ambientet e Fakultetit të Ekonomisë në vitin 2000, gjatë kohës që ishin të dy pedagogë. Ndërsa, shtatë vite më vonë ata u lidhën në martesë dhe duket se prej vitesh prisnin të sillnin në jetë një fëmijë. Në vitin 2006, Tabaku u shpreh në një intervistë se mezi priste të kishte një fëmijë!
